Myndlistarskóli Mosfellsbæjar (sem staðsettur er í Álafosskvosinni á hæðinni fyrir ofan Álafossbúðina), tekur þátt "Í túninu heima" með sýningu á verkum nemenda Soffíu Sæmundsdóttur úr fullorðinshópum. Nemendur Soffíu hafa margir verið í skólanum frá upphafi og mála af krafti og koma á hverju hausti til að bæta við sig og njóta þess góða anda sem er í skólanum á þessum einstaka stað. Sýningin er opin laugardag og sunnudag klukkan 13-17. Ljósakórinn undir stjórn Berglindar Björgúlfsdóttur flytur nokkur lög í húsnæði skólans á laugardeginum klukkan 13:30 , 15:30 og 16:30. Allir hjartanlega velkomnir. 

Ljósakórinn er barnakór á vegum Lágafellssóknar og Mosfellsbæjar. Í kórnum eru stúlkur á aldrinum 11-13ára. Berglind Björgúlfsdóttir hefur stjórnað kórnum frá upphafi. Berglind er söngkona og barnakórstjóri, hún hefur kennt tónlist- og skapandi hreyfingu á leikskólum á höfuðborgarsvæðinu og í Bandaríkjunum, auk þess að hafa séð um tónlistarleikhús Kramhússins. Berglind söng í sópran-dúóinu Vocalisa ásamt Joyce S. Liu. Þær komu fram á tónleikum á San Francisco svæðinu í Kaliforníu og héldu tónleika víða hér á landi. Ljósakórinn syngur í Myndlistarskóla Mosfellsbæjar, á bæjarhátíðinni í Túninu heima, laugardaginn 25.ágúst klukkan 13:30, 15:30 og 16:30.