This is your new blog post. Click here and start typing, or drag in elements from the top bar.

Skissunámskeið í Skálholtsbúðum helgina 20.-22. maí

Fyrir byrjendur og lengra komna

Kennari: Anna Gunnlaugsdóttir

Verð kr. 29.000 
20 kennslustundir, gisting og fæði

Námskeiðið hefst kl. 17:00 á föstudag og lýkur kl. 16:00 á sunnudag

Lögð verður áhersla á að tileinka sér góð vinnubrögð í undirbúningi myndverks með ýmiskonar skissuvinnu, með blýöntum, kolum, pastellitum og akrýllitum, og öðru sem hugarflugið býður.

Markmiðið er að þjálfa eftirtekt og persónulega sýn á umhverfi sitt sem viðfangsefni í markvissri myndsköpun. Skoðuð verða bæði smáatriði við fætur okkar, landslagið í fjarlægð og líka horft til himins og skýjafar og litbrigði í skýjunum rannsakað. 

Meistari Smári, kokkur með meiru, eldar ljúffengan kvöldverð föstudags og laugardagskvöld en morgunnmat, hádegissnarl og kaffi/te tökum við til sjálf og sjáum um allan frágang.

Gist verður í eins manns herbergjum (sængur og koddar, ekki sængurver)

Hámark 12 þátttakendur

Gleðilegt ár kæru nemendur.
Eftir frábæra vinnu á haustönn er hugur í okkur að byrja nýja árið af krafti.

Vorönnin fer nú senn að hefjast hjá okkur í Myndlistarskóla Mosfellsbæjar, en barnanámskeið byrja mánudaginn,17. Janúar og fullorðinsnámskeið viku síðar, eða í vikunni 24.- 27. janúar. Með þessu bréfi viljum við því koma þessum upplýsingum til ykkar sem voruð á námskeiðunum í vetur og þeirra sem sýnt hafa áhuga á að komast á námskeið en ekki komist, áður en við auglýsum á frekar. 

Síðasta skólaár var óvenju metnaðarfullt og endaði á vorsýningu skólans í Hraunhúsum sem vakti verðskuldaða athygli og nú í vor stefnum við á að setja upp nemendasýningu í skólanum og veitingastaðnum kaffi Álafoss, gera upp skólaárið 2010 - 2011, eiga skemmtilega opnum og borða saman.

Skólastarf þetta árið verður með svipuðu sniði og verið hefur, en þó verða væntanlega ný námskeið þegar líða tekur á önnina og undir vorið, þar sem fyrirkomulagið verður þéttara og unnið í rikk að ákveðnum viðfangsefnum, eins og t.d. uppstillingar með nýstárlegri nálgun sem Pétur Gautur mun kenna á sinn persónulegan hátt en námskeið hanns á haustönn vakti mikla ánægju. (Frekari upplýsingar má sjá á peturgautur.is)
Eins og áður er námskeiðið 11 skipti, 4 kennslustundir í senn, samtals 44 kennslustundir. Hver kennari skipuleggur námskeiðið, markmið og viðfangsefni og lagar að hópnum.

Innritun er hafin og eins og áður er mikill áhugi fyrir hendi og því nauðsynlegt að hafa samband sem allra fyrst. Hafir þú þegar skráð þig er nauðsynlegt að staðfesta það í síma 6635160 eða á netfangið [email protected] og [email protected] (þeir sem fara á námskeið hjá Önnu), með öllum upplýsingum, nafni, heimilisfangi, kennitölu, netfangi og síma. Verð fyrir fullorðinsnámskeiðið er kr. 40.000

Allir nemendur í hópum fullorðinna í Myndlistaskóla Mosfellsbæjar eiga verk á vorsýningu í Hraunhúsum, Völuteig 6 í Mosfellsbæ. Þau eru valin af kennurum skólans og gefa góða hugmynd um þau fjölbreyttu viðfangsefni sem nemendur hafa verið að spreyta sig á. Óhætt er að segja að útkoman er einstaklega glæsilegt og mega bæði nemendur og kennarar vera stoltir af þessari glæsilegu sýningu. 

Sýningin verður opin til sunnudagsins 2. maí, nema á mánudag. 

Opið er flesta daga frá kl. 11-17 og á fimmtudögum til kl. 22. Verið velkomin!